¡Felices fiestes a tolos lleitores de’El Fielato, especialmente a los que siguen a esti columnista qu’escribe n’asturiano!
Llama l’atención lo de tantos belenes. Nun hai pueblu nin villa que nun tea’l so belén. Y ye una bona tradición. La navidá ye, ensín duldia, la fiesta más entrañable. Güei ta cargada de consumismu, d’esbardie, de milenta coses ensín sentíu. Defenden el so simbolismu los más retrógrados y critíquenlu los más progresistes. Pero los dos grupos tan mui enquivocaos.
El 25 d’avientu naciera, sigún otra tradición, Mitra, fíu d’una virxe. Y d’una virxe con tolos atributos de María ñaciera Osiris. Y na tradición céltica ye Ana la madre, dalgo mui presente na tradición asturiana: Santana, venerada nesti país, como n’Iinglaterra, Escocia ya Irlanda, pero nada n’España.
El ñacimientu d’un neñu siempres ye allegría, gayola, fiesta. Y si vien abellugáu pol so pueblu, los campesinos, los pastores, los artesanos, pues más tovía. El nadal ye la fiesta menos ideoloxizada de tola cultura cristiana. Y ata podría facese una lleutura del nuesu tiempu. Una parexa llega pa pedir los papeles, el censu, al qu’obliga Octavio Augusto, un césar que gobierna la so tierra dende dos mil kilómetros al este la mar. Y esi matrimoniu nun alcuentra onde abellugase. Lleguen de Galilea a Xudá, son estranxeros, ensín trabayu. Nun falen llatín, tampoco hebreo, menos tovía griego. Falen arameo. Y ella, subía a un pollín, pa enriba, preñada y a puntu de romper augües.
Entren de nueche en Belén y naide los socorre. Nun hai sitiu pa ellos. Pero dalguién, que nun tien nome nes escritures, déxa-ys pasar la nueche nuna cuadra. Y la neña, porque yera una rapacina, pare a la calor de vaques y caballos. Y Xosé llevanta nos brazos al so fíu, de la estirpe de David. Y lu llama Iôso, n’arameo, porque esa yera la llingua de la familia. Eso va tener gran importancia cuando la crucifixón, pero ye otru asuntu.
Los nuesos alcaldes enllenaron les cais y les caleyes de lluces pero son unos inorantes y, tamién, somos nosotros unos inorantes. Si esi neñu del pelsebre viera esto seguramente reaicionaría como cuando fue mayor y sacó a hosties a los comerciantes del templu
Esa ye la historia, una mezcolanza d’aristocracia y pueblu llanu. Pero hai más. El 25 d’avientu naciera, sigún otra tradición, Mitra, fíu d’una virxe. Y d’una virxe con tolos atributos de María ñaciera Osiris. Y na tradición céltica ye Ana la madre, dalgo mui presente na tradición asturiana: Santana, venerada nesti país, como n’Iinglaterra, Escocia ya Irlanda, pero nada n’España.
El cristo naciente, d’estirpe real, non un carpinteru d’andar per casa, marcha del pelsebre al patíbulu, siempres al marxe del poder y de la riqueza. Porque ye la pallabra, como diz l’evanxeliu de Xuan; “nel entamu yera la pallabra”. Y, cuéntamos Matéu que dixera que “la verdá fairavos llibres”.
Los nuesos alcaldes enllenaron les cais y les caleyes de lluces pero son unos inorantes y, tamién, somos nosotros unos inorantes. Si esi neñu del pelsebre viera esto seguramente reaicionaría como cuando fue mayor y sacó a hosties a los comerciantes del templu. Si viviera esti nadal nel que, teóricamente, festexamos el so nacimientu, ye mui probable que dixera eso de “¡fixérais de mio casa una cueva lladrones”.
¡Felices fiestes, feliz nadal, feliz solsticiu!.
Por cierto, por aquilatar, yo nun soi creyente.
