Celebróse esti día en Villaviciosa, pola asociación El Ronchel, l’aniversariu de D. José Caveda y Nava, nacíu en Maliayo na primavera tardía del 1796. Caveda ye la persona más sobresaliente de los intelectuales villanos, col permisu de D. Fancisco de Paula Caveda y Solares, so padre.
El padre de Caveda y Nava ye más importante que’l fíu en dos cuestiones: no concerniente a la descripción del Conceyu maliayes y al estudiu del bable. D. Francisco de Paula ye un estudiosu de les parroquies de Villaviciosa, a ú llega a caballu o en xarré pa anotar la descripción pormenorizada de ríos, montes, pueblos, y actividaes que nelles se desarrollen. Frutu d’ello ye la valorable ‘Descripcion geográfica e histórica del concejo de Villaviciosa’.
De bien rapaz asume’l lliberalismu. Inclusu ocupa una plaza nel Ayuntamientu de Villaviciosa, nada pacífica por ciertu.
Respectu al bable yera amigu de Jovellanos, con quien comparte la idea de crear una academia de Buenas Letras. Nun sé de quién partió la iniciativa pero D. Francisco tenía una idea clara de lo qu’había que facer. Así vien nos sos ‘Apuntes y materiales para la formación de un diccionario bable’. Esta idea seguramente ye compartida pol so amigu’l sacerdote bablista, del Mercáu Vieyu, el Dómine D. Bruno Fernández Cepeda, que fue, amás, quien bautizó a Caveda. Fue tal el so compromisu col bable qu’inclusu arreyó al fíu a los trabayos del diccionariu, nombrándolu ‘consiliario’ d’esta empresa.
D. José Caveda publica, como consecuencia d’esi deber hacia la idea del padre, la so ‘Colección de poesías selectas en dialecto asturiano’, en 1839. Ye, prácticamente, el primer llibru en bable de la historia pequeñina. Trátase d’una interesante colección de poetas que van desde D. Antón de Marirreguera hasta él mismu, anque los sos poemes nun lleven firma. Acondiciona eses poesíes antes de ser publicaes dándo-yos una unidá, lo cual ye significativo pal idioma.
Hai una meridiana diferencia ente él y so padre: la política.
El llibru sal como diez años más tardi de lo previsto. El padre ya había muerto en 1811, casi venti años antes, el mismu añu en que morrió Jovellanos, anque él yera más mozu. Caveda vien a decir que fizo tolo posible por editar la obra, pero qu’ehí se cierra un ciclu. Entiendo que lo fizo como homenaxe a so padre que yera’l verdaderamente interesáu en que se publicara, dempués del fracasu de l’Academia y el diccionariu. Pasen cincuenta años en que Caveda y Nava nun publica un res, nin fai referencia ninguna al bable, a pesar de lo muncho qu’escribió nesos años. Morrió en Xixón, como una eminencia, cuando tenía 86.
Hai una meridiana diferencia ente él y so padre: la política. Mientres que D. Francisco yera un tradicionalista, qu’escribe un ‘Himno patriótico en loor de Fernando VII’ (1808), y acueye a un cura represaliáu de la Revolución Francesa, a la que odia, muestra un compromisu cola tradición y, nesa época tradición y bablismu son la misma cosa.
Caveda y Nava ye tolo contrario. De bien rapaz asume’l lliberalismu. Inclusu ocupa una plaza nel Ayuntamientu de Villaviciosa, nada pacífica por ciertu. Ye miembru de la Milicia Nacional, un cuerpu de ciudadanos armaos contra’l tradicionalismu (la idea del padre), aprobáu poles Cortes de Cadiz en 1812. Y fue secretariu de la reina lliberal Isabel II (1845). El lliberalismu trata de desdibuxar les rexones españoles llamándoles provincies y introduz dudes sobre la utilidá de los dialectos al marxen del español.
