“Cuando el tiempo no está bueno para morirse voy a esperar un día mejor”, diz, con muncha sorna, el dichu cubanu. Fui a Cuba a finales d’añu y nun me resultó nada placentera la estancia. El país va, ciertamente, a la deriva. Nun hai turismo, polo menos na Habana. Munchos negocios que vivíen de los yumas trancaron les puertes fai tiempu. Échase en falta la so presencia nes terraces de los hoteles, nos negocios qu’alquilaben habitaciones por cuenta propia, nos cruceros que nun lleguen, nos taxis que nun salen, nos restaurantes de tola vida que yá nun esisten, nes arteries principales de L’Habana antigua que paecen de cartón-piedra, na mayor parte de les llibreries qu’echaron la persiana (con especial ciñu de ‘La moderna poesía’ que si yá nun yera nada, mantenía les puertes abiertes).
El comunismo nació, como en tolos sitios, muertu.
Nun hai policía
Aparte d’eso, el deterioru de la ciudá ye evidente, la ausencia cásique total de policía nos espacios públicos, l’aumentu de delitos mayores y menores, los balagares de basura na calle y durante díes colo que supón d’estrema inmundicia pan un pueblu que yá padez bastante; más cases añeraes en suelu qu’antes yeren un gotéu constante y agora ye un chorru permanente; siguen les coles pa cualquier cosa, la práctica desaparición d’autobuses públicos: nun ye posible dir a nengún sitiu por falta de petróleo; falta de electricidá, de gas...
Munchos productos yá son más caros que n’España, dalgunos el doble.
Pa los cubanos la situación económica ye insoportable y pa los vieyos resulta yá insostenible: 1.500 pesos cubanos al mes (1 dólar/día), nunca hubo tantos vieyos que vivan solos, y la práctica desaparición de la llibreta de racionamientu. Pero lo que ye más grave son los cambios de moneda: agora ye’l pesu, en delles tiendes el dólar –que tuvo prohibíu hasta ayer-, n’otros negocios el mlc, tarxeta de recarga complicada sobre tou pa los turistes. Tolos precios subieron una barbaridá. Munchos productos yá son más caros que n’España, dalgunos el doble.
Los actores marchen
Los cubanos escapen del país a la primera de cambiu. Marchen a Ecuador, Guatemala, Panamá… y terminen otra vez en Cuba, o en Miami. Cuando pueden van al través del ‘Parole’ o la illegalidá, la cuestión ye nun volver. Hai un grupu de cubanos que piden la incorporación a USA, nun ye nuevo.
Cantantes muy famosos como Alexander Delgado y Randy Malcolm, de ‘Gente de Zona’, nun solo marcharon sinon que falen pestes de la isla.
Marchen los miserables que nun tienen n’onde caese muertos, pero tamién músicos, actores… Nel ultimu añu, mosquiaron varios actores de la mayor serie d’humor de la televisión cubana: ‘Vivir del cuento’, que llevaba n’antena más de diez años; solamente queda l’humorista Luis Silva que, sicasí, tien la visa permanente gracies a Obama, y entra y sal llibremente hasta que nun encuentre la vuelta. Cantantes muy famosos como Alexander Delgado y Randy Malcolm, de ‘Gente de Zona’, nun solo marcharon sinon que falen pestes de la isla.
Les remeses
La cuestión ye que la mayor parte de cubanos tienen familiares fuera de Cuba, y esa ye’l gran baza que vio Canel: que los de fuera mantengan a los de dientro. Debe ser la solución comunista pal s.XXI: qu’uno de Miami o d’España resuelva col so trabayu la situación de dos o tres o una manzana de cubanos. La gran solución ye que puedan comprar con dólares la mayor de los productos de consumu a través de internet, que tan yá en Cuba gracies a la cúpula, y llega-y al familiar d’un día pa otru. El comunismo nació quebráu. Nació pidigüeñu. Dizlo hasta China que non cobra la cocina nin el ventilador que pon en to casa y tú recibes con unos impuestos estravagantes.
El comunismo nació, como en tolos sitios, muertu.
