Morrió Florencio Friera. Tenía 80 años. Finó un paisano más de Sariegu, o como decía mi güelu Salustio, Sariéu. Un conceyu ruín, probe -antes más qu’ahora-, con una población de 1.265 habitantes. Y menguando. Pero que fue encumbráu por Florencio hasta l’infinitu. Hai una ruta de la toponimia con paneles esplicativos de los nombres más significativos dispuestos por él. Realizó un estudiu sobre los templos románicos del conceyu. Fizo un llibru rigurosu -l’axetivu sobra porque nél tou yera igual de preciso- sobre la guerra civil en Sariegu. Espero ocho años pa publicalu pola implicación que’l tema tenía y sigue teniendo a pesar de que pasaron cien años.
Florencio Friera.
Friera escribió la introducción a les obres completes de Fermín Canella, rector de la Universidá d’Uviéu
Cursos de veranu
Na Villa hubo, fai unos cuantos años, unos cursos de veranu empobinaos por él, que se celebraben na Escuela de Capataces. Un añu llamóme pa dar una charla sobre los Secretos de Padenes, que yo acababa de publicar. Na charla, según Friera, taben tan embebecíos col tema como non estuvieron en tol cursu. Pa peracabar, queríen visitar los molinos del ríu Profundu. Ante la falta significativa de Rafa Balbín, expertu nel tema, había finao facía pocu, llevélos hasta allí anque aquello taba ensin rozar y nun pudimos pasar más allá del primer molín.
Yera catedráticu de Didáctica de Ciencies Sociales. Pero sobre tou yera una persona agradable. Entretenida. Amena. Nunca presumía de los sos conocimientos que yeren abondos. Participó en política a través de la UCD con Emilio García-Pumariño. Moderáu. Siempre moderáu. Abandonó la política pa terminar la so tesis sobre l’escritor Perez de Ayala, suxeríu por José María Martínez Cachero.
Espertu en Pérez de Ayala
Yera un espertu en Ramón Pérez de Ayala del qu’había publicao’l llibru: RPA, testigo de su tiempo. Anguañu trabayaba na edición d’una obra con 170 cartes manuscrites enviaes ente Perez de Ayala y Gregorio Marañón. Dos de los tres grandes intelectuales de la II República, xunto con Ortega y Gasset, superaos pol extremismu republicanu. A los sos 80 años siguía trabayando nesi llibru qu’está termináu, esperando la so publicación en Krk.
Yera miembru eméritu del Real Institutu d’Estudios Asturianos (RIDEA), cuyu presidente, Ramón Rodríguez, destacaba la gran capacidá de trabayu de Florencio y la so seriedá como gran investigador que yera.
Friera escribió la introducción a les obres completes de Fermín Canella, rector de la Universidá d’Uviéu. Asturianista, dicen qu’inxenuu. Presidente del grupu La Quintana. Miembru tamién del heroxéneu ‘Grupo de Oviedo’. Friera publicó tamién el prólogu a la obra del Reinu asturianu, dándo-y una vuelta de tuerca a la figura de Pelayo.
Obres de Martínez Marina
Publicó una serie de testos inéditos de Martínez Marina. Y aceptó facer en solitario’l magnu Diccionario Geografico-Histórico de Asturias, que nun s’atrevía a facelu nin el Principáu, según el so amigu’l filólogu Álvaro Ruiz de la Peña.
Yera miembru eméritu del Real Institutu d’Estudios Asturianos (RIDEA), cuyu presidente, Ramón Rodríguez, destacaba la gran capacidá de trabayu de Florencio y la so seriedá como gran investigador que yera.
Nombrárenlu Cronista Oficial de Sariegu. Un títulu, qu’anque modestu, yera pa él lo más grande. Nacíu na capital del conceyu, La Vega, estudió les coses del so pueblu a conciencia, sobre tou en dos volúmenes: Patrimonio Histórico y Cultural del concejo de Sariego (2001) y La guerra civil en Sariego (2011).
Descanse en Paz.
