El Puente Güetes, Huetes o Buetes, también se lu llamó’l Puente les Gabarres, marca esta zona maliayesa como fronteriza desde tiempos inmemoriales. Perteneciente a la parroquia d’Amandi, llendando cola Peña Castiellu, qu’incluye una construcción de la época del reinu astur. Na Carta Puebla maliaya (1270) n’onde se diz “de facer villa” nel sitiu de Güetes, que sería un territoriu más ampliu y non sólo un farrapiezu pequeñu de tierra cayendo a la Ría de Llinares como sucede actualmente.
Los carlistas y el Güetes
Dizse que los carlistas llegaron a rodear La Villa sin atrevese a entrar, pero parez que nun fue así esactamente. Los lliberales de Villaviciosa, mui nerviosos, optaron por volar el Puente Güetes col fin de ralentizar l’accesu de los ‘legitimistas’ por esta parte.
Güetes ye la entrada de La Villa desde Xixón. Un sector vulnerable por la abundante presencia d’elementos ‘rabalbos’
Los carlistas -habíalos na Villa, anque de deos finos- yeren sobre tou cabranense. Cabranes yera un conceyu volcáu con D. Carlos, dalgún d’ellos apellidábase Valdés y yera coraxudu por demás. Anque tamién vieno a caballu un vieyu de boína grande y roxa, un ayerán de los de la primera guerra carlista, un tal Ángel Rosas, que marchó con un buen botín. Corría la segunda guerra carlista (1873-1876), aunque algunos historiadores, sobre tou catalanes, dicen que ye la tercera.
La Muralla Carlista
Güetes ye la entrada de La Villa desde Xixón. Un sector vulnerable por la abundante presencia d’elementos ‘rabalbos’. Había numerosos xixoneses que trataban d’influir sobre la vecina villa, que se mostraba amurallada desde la primera guerra, precisamente contra ellos, anque sin embargu llamóse la Muralla Carlista.
Dempués de la voladura fue necesario establecer un puente provisional pa lo cual usáronse toneles del Palaciu Sorribes. Habrá que suponer qu’estos salieron del cercanu llagar de La Sinagoga, de so propiedad, que todavía se conserva n’estáu ruinosu, dempués de fundirse la techume del edificiu. Posteriormente fue un chigre abiertu al públicu. Púnxose un tablamentu por encima pa que pasaran los caballos y carros con facilidá.
La Isla del Caballu
Na parte norte del Puente Güetes encuentrase una pequeña isla que se llama del Caballu, que fue eliminida nun fai munchu, de forma non permanente, por una pala de la Confederación Hidrográfica pa tratar d’evitar que la zona posterior al puente fuese un tapón qu’inundase la zona pues La Villa está a malpenes unos seis metros con respectu al nivel del mar.
Pero dicha isla vuelve a salir después d’un tiempu ya que la forma deficiente en que está dispuestu el pontigu fai que se acumule tierra y raxes en tornu a ella. Ye posible que nos tiempos de mayor crecimiento de la isla se pudiera pasar a caballo -de ahí’l so nombre- de tierra firme a la isla y d’equí al pobláu de Güetes.
Aplanar el puente
“Finalizáu’l siglu XIII, o comienzos del XIV, los burgueses de la pola levantaron el puente medieval de Güetes”, según indica l’arquitecto Xuan Pedrayes, quien añade que tien “una traza similar al desaparecíu puente de Los Pilares, en Avilés, con sos tres arcos, los tayamares y descansaderos acondicionando les piles al so llombu, que fuera allanáu na década de 1870, cuando llega la carretera Ribeseya-Caneiro. Un cuartu puntu, apartáu por un llargu tímpanu con forma de puente que tien cincuenta metros de llargu. Esti arcu últimu, apartáu y más corriente, señala que’l calce del puente en tiempos baxomedievales non yera la misma qu’anguañu; n’aquella época dirixía a los tayamares de los tres arcos primeros”, añade.
Volóse -nuevamente- el puente n’octubre de 1937, por parte de los rojos en desbandada, a fin de retrasar la marcha imparable de los batallones navarros sobre Xixón, que’l día venti quedó tomáu poles tropes nacionales.
Por ciertu los navarros que tomaron La Villa yeren carlistas, tomáronse la revancha.
